ԴԱՐՈՎ ԱՊՐՈՂ ՉԵՄՊԻՈՆՈՒՀԻՆ
Օլիմպիական ամենատարեց չեմպիոնուհի, հունգարացի մարմնամարզուհի Ագնես Քելետին նշել է ծննդյան 100-ամյակը:
Նա ծնվել է Բուդապեշտում, 1921 թվականի հունվարի 9-ին: Ագնեսը մարմնամարզությամբ սկսել է զբաղվել 4 տարեկանում, իսկ ազգային առաջնության հաղթողի կոչումը նվաճել է 16 տարեկանում:
Օլիմպիական խաղերին մասնակցելու նրա երազանքը գրեթե իրականություն էր դարձել 1940 թվականին, երբ ճանաչվել էր երկրի լավագույն մարմնամարզուհի: Բայց Քելետիի հույսերը խոչընդոտել է պատերազմը:
1952թ․ Հելսինկիի օլիմպիական խաղերում Քելեթին, որն արդեն 31 տարեկան էր, նվաճել է մեկական ոսկե, արծաթե և երկու բրոնզե մեդալ: Չորս տարի անց Մելբուռնի մարզահանդեսում մարմնամարզուհին նվաճել է ևս չորս ոսկե և երկու արծաթե մեդալ: Մարզուհին 1954 թ․ աշխարհի առաջնությունում արժանացել է մեկական ոսկե, արծաթե և բրոնզե պարգևի:
