ՍԵՎԱՆՑԻ ԹԻԱՎԱՐՆԵՐԻ ՄԱՍՆԱԿՑՈՒԹՅԱՄԲ
12:17 - 27 Սեպ, 2024
Բաթումում անցկացվեց բայդարկա և կանոէ թիավարության միջազգային մրցաշար: Հայաստանից մասնակցության հրավեր էր ստացել Սևան քաղաքի ջրային մարզաձևերի մարզադպրոցի թիմը: Ծրագրում ընդգրկված էր միայն սուպերսպրինտ մրցաձևը: Հայտավորված 19 երկրների ներկայացուցիչներ մրցեցին տարիքային երկու խմբում:
Սևանցի երեք պատանիներն իրենց ունակությունները դրսևորեցին կանոէ մրցաձևում: Ավելի քան երեք տասնյակ հասակակիցների պայքարում մերոնք հայտնվեցին միջին հորիզոնականներում. Արեգ Հովհաննիսյանը ճանաչվեց հինգերորդը, Սուրեն Թովմասյանը՝ յոթերորդը և Մամիկոն Մկրտչյանը՝ իններորդը:
Պատանիներին մրցավայր էր ուղեկցել ՀՀ կանոէ թիավարության հավաքականի ավագ մարզիչ Ավետիք Մալխասյանը:
Այլ նորություններ
