Ֆրանսիայի Հանրապետության նախագահ  Էմանուել Մակրոնը և Փարիզ -  2024  կազմկոմիտեի  նախագահ Թոնի Էստանգեն կատարել են  ջրային մարզաձևերի  օլիմպիական կենտրոնի բացումը, որը գտնվում է Սեն-Դենիում: Այնտեղ կանցկացվեն   ջրացատկի, արտիստիկ լողի և ջրագնդակի մրցումները:  

Այդ նորարարական շինության համար ծախսվել է 188 միլիոն եվրո:

Նախագահ Մակրոնը  իր գոհունակությունն  է հայտնել  խոշոր կառույցին  նվիրված  արարողության առթիվ  և ասել, որ այդ ժառանգությունը կծառայի ոչ միայն  օլիմպիականներին, այլ նաև  Փարիզի մարզիկներին և  բնակչությանը:

Ջրային մարզաձևերի  կենտրոնը  ճարտարապետների  հավաստմամբ   երկրի ամենամեծ լողավազանն է,  տեղավորում է  5000 հանդիսական և  այնտեղ կանցկացվի Եվրոպայի լողի  2026թ. առաջնությունը:

Արժե նշել, որ լողը 1896թ. ի վեր բոլոր ժամանակակից օլիմպիական խաղերի անբաժանելի մասն է: Կանայք սկսել են մրցել 1912թ. Ստոկհոլմի օլիմպիական խաղերում: