Նախորդ մրցաշրջանում / 2022թ. / ԱՄՆ –ում  90 000 երեխա է  մասնակցել  PlayLA երիտասարդական մարզական ծրագրին: Այն նախաձեռնել է Լոս Անջելեսի  օլիմպիական խաղերի /   LA28 / կազմկոմիտեն և  քաղաքի հանգստի ու զբոսայգիների վարչությունը: 

Ծրագիրը կյանքի է կոչել ՄՕԿ- ը:  Դա մեծ  ներդրում է Կալիֆորնիայում երիտասարդական և պատանեկան  սպորտի զարգացման համար: Այն  պայմաններ է ստեղծում մարզվելու հնարավորություն  չունեցող երեխաների համար:  

Օլիմպիական  ժառանգություն թողնելու իմաստով, մինչ խաղերի մեկնարկը, դեռ հինգուկես տարի  կա: Սակայն արդեն զգացվում է դրա ազդեցությունը աճող սերնդի վրա: Ուսուցանվում են այն արժեքներն ու հմտությունները, որոնք կուղեկցեն  ամբողջ կյանքում:

PlayLA-ն ընդլայնել է իր ծրագրերը՝ ներառելով  նաև  հաշմանդամային սպորտի ներկայացուցիչներին:

Ընդհանրապես Լոս Անջելեսը արդեն լրջորեն նախապատրաստվում է օլիմպիական 34 –րդ  ամառային մարզահանդեսին: Այդ նպատակով ձևավորվել են մի շարք հանձնաժողովներ, որոնք համագործակցում են տեղական կազմակերպությունների հետ:  Վերջինները պարտավորվել են աջակցել խաղերին և  նախատեսում են  ավելացնել եկամուտները: