Բռնցքամարտի միջազգային ասոցիացիան / IBA /  ի գիտություն է ընդունել  ՄՕԿ-ի վերջին հայտարարության մեկնաբանությունները: Այն  բովանդակում է   Փարիզի օլիմպիական խաղերի վարկանիշային  մրցումների տարբերակը: 

ՄՕԿ-ը IBA-ի հետ  համագործակցության շրջանակում ձևավորել է ժամանակավոր աշխատանքային խումբ: Փոփոխությունները զգալի են և դրական կլինեն միջոցառումների պլանավորման գործընթացում: 

Համակարգը  կառավարել էր ՄՕԿ-ը ՝   չափանիշները արդար, թափանցիկ և բաց  դարձնելու համար: 

ՄՕԿ-ի և IBA-ի փորձագետները համատեղ աշխատել են վերջին վեց ամիսների ընթացքում: Առաջընթացը իսկապես նկատելի է:  

ՄՕԿ-ը բարձր է գնահատել  մասնավորապես Ստամբուլում անցկացված  բռնցքամարտի կանանց աշխարհի առաջնությունում կատարած հուսալի  աշխատանքը:

IBA-ն վերջին 1 – 1,5 տարում քրտնաջան աշխատել է  տեխնիկական անձնակազմի կառավարման, վերապատրաստման և մասնագիտական զարգացման ոլորտներում: 

Բոլոր  միջոցառումների համար կիրառվել է պատահական վիճակահանության գործընթաց և կառավարումն գնահատել է  անկախ փորձագետների խումբը:Հաշվի են  առնվել անցյալի սխալները և ֆեդերացիան  հեռացել է  նախկին խնդիրներից։ 

Կազմակերպությունն ունի ժողովրդավարական ճանապարհով ընտրված տնօրենների խորհուրդ, որը  բոլորովին նոր կառույց է: Արդարությունը և թափանցիկությունը բառեր են, որոնք օգտագործվում են IBA-ի ամենօրյա աշխատանքային միջավայրում: Ազնվությունը մնում է կազմակերպության աշխատանքի հիմնական տարրը և  բարձր արժեքը:

Մարզաձևի առաջիկա համագումարը կփարատի բոլոր կասկածները լավ կառավարման վերաբերյալ: 

ՄՕԿ-ը բավականաչափ տեղեկացված չէ IBA-ի ընթացիկ ֆինանսական վիճակի մասին, սակայն կազմակերպությունը բաց է տեղեկատվություն տրամադրելու  հարցում: 

Արդեն պայմանագրեր կան   երկու խոշոր հովանավորների հետ։ 

Եվս մեկ լավ նորություն.  մրցումների նոր համակարգը կգործի հոկտեմբերի կեսերին Մարիբորում անցկացվելիք մրցաշրջագայության ընթացքում:

Հ. Գ. – Բռնցքամարտի միջազգային ֆեդերացիայի կոնգրեսը տեղի կունենա Երևանում, Կարեն Դեմիրճյանի անվան մարզահամերգային համալիրում ՝ սեպտեմբերի 25 –ին: