Վանաձորում մարզական եռօրյա տոն  դարձավ  ՀՀ  հանդբոլի  ֆեդերացիայի գավաթի միջազգային պատանեկան խաղարկությունը: Չորս թիմերի  մրցավեճում տեղերը բաշխվեցին հետևյալ հաջորդականությամբ.  ՌԴ  Ռոստովի մարզ / վեց միավոր /, Երևանի հավաքական / երեք միավոր /, ՀՀ պատանեկան հավաքական / երկու  միավոր / և Վանաձորի հավաքական  / մեկ միավոր /:

-Նախապես հայտ ներկայացրած Թբիլիսիի  թիմը  չներկայացավ  մրցաշարին: Ինչ վերաբերում է  մասնակիցների ընդհանուր պատրաստականությանը, ասեմ , որ  այդ մասին  ճիշտ պատկերը ցույց է տալիս աղյուսակը, - ասաց  ՀՀ հանդբոլի ֆեդերացիայի նախագահ, անցյալի նշանավոր վարպետ  Հարություն Մելքոնյանը: -  Արժե  նշել, որ ռոստովցի պատանիները տարեկան  մասնակցում են 55 – 60 խաղերի: Մեր պարագայում  այդ թիվը  հասնում է 5 – 6 –ի: Իհարկե այս  մրցաշարի  շնորհիվ մերոնք երեք խաղով հարստացրին իրենց մրցափորձը . . .

Եռյակում տեղ գտածները պարգևատրվեցին գավաթներով,  մեդալներով և հավաստագրերով:  Հատուկ պարգևների արժանացավ  հաղթողի պատվին արժանացած թիմի լավագույն  ներկայացուցիչը:

Խորհրդանշական հավաքականի  յոթնյակում տեղ գտան Ռոստովի երեք, Երևանի երկու և պատանեկան ու Վանաձորի թիմերի  մեկական պատվիրակներ: