Միջազգային օլիմպիական կոմիտեի  / ՄՕԿ /  հերթական ՝ 137 –րդ վեհաժողովը  տեղի կունենա  Աթենքում՝  2021թ․  մարտի 10-12-ը: Այն նաև ընտրական բնույթ կկրի, քանզի կանցկացվի նախագահի ընտրություն։

Կազմակերպության ղեկավար Թոմաս Բախը  հուլիսին կայացած  նստաշրջանում հայտարարել էր, որ կդնի իր թեկնածությունը։ Դրանից հետո նախատեսված է անցկացնել ևս մեկ նստաշրջան, որը կնախորդի Տոկիոյի խաղերին։ Իսկ  ընտրվող նախագահի պաշտոնավարումը  կսկսվի համաշխարհային մարզահանդեսի  ավարտից հետո,  օգոստոսին։

Ի դեպ,  Թոմաս Բախը նոյեմբերի կեսերին  մտադիր է մեկնել Ճապոնիա: Այս մասին հայտնում  է Kyodo գործակալությունը: Այցի ընթացքում նախատեսվում է հանդիպում Ճապոնիայի նորանշանակ  վարչապետ Յոսիհիդե Սուգայի հետ: