ԲՈՒԴԱՊԵՇՏԻ ՏԱՐԲԵՐԱԿԸ ԸՆԴՈՒՆԵԼԻ Է
Հունգարիայի Բուդապեշտը դիտարկվում է Տոկիոյի օլիմպիական խաղերի բռնցքամարտի եվրոպական ընտրական փուլի մրցավայր։ Միջազգային օլիմպիական կոմիտեի աշխատանքային խումբը համաճարակի պայմաններում դա համարում է առավել ընդունելի տարբերակ: Այդ քաղաքն արդեն հյուրընկալել է լողի համաշխարհային լիգայի մրցումները։ Նախատեսվում են նաև ձյուդոյի << Մեծ սաղավարտի >>, ըմբիշների և կանանց հանդբոլի օլիմպիական որակավորման ստուգատեսները:
Բուդապեշտի ռինգում օլիմպիական արտոնագրերի համար կպայքարեն 176 բռնցքամարտիկներ ․ տղամարդկանց ՝ ութ և կանանց հինգ քաշային կարգերում։
Բարդ համաճարակաբանական իրավիճակի պատճառով, ՄՕԿ-ի աշխատանքային խումբը որոշեց անցյալ տարի Լոնդոնում անավարտ մնացած օլիմպիական ընտրական մրցաշարը շարունակելու գաղափարից: Այդ մրցումը տեղափոխվեց հունիս: Փարիզում նախատեսված համաշխարհային ընտրական մրցաշարը չեղարկվեց և 53 ուղեգրերը կբաշխվեն բռնցքամարտիկների դասակարգման աղյուսակի հիման վրա։
