Ռումինիայի մայրաքաղաք Բուխարեստում, մինչև 23 տարեկան հունահռոմեական ոճի ըմբիշների աշխարհի առաջնությունում, այսօր սփոփիչ գոտեմարտեր կանցկացնեն մեր երկրի վերջին երկու պատվիրակները` Արմեն Մելիքյանը / 60 կգ / և Գեղամ Թորգոմյանը / 82 կգ /:Բրոնզե մեդալակիր դառնալու համար Արմենին անհրաժեշտ կլինի տանել երկու, իսկ Գեղամին` երեք հաղթանակ: Արդյունքները հայտնի կդառնան երեկոյան: Թիմի մյուս անդամները անմասն մնացին խաղարկված պարգևներից:

Հունահռոմեական ոճի  ըմբիշների մրցավարտից  հետո մրցագորգերը կտրամադրվեն ազատ ոճայիններին:  Մեր երկիրը կներկայացնեն Վարդգես Կարապետյանը / 65 կգ /, Գևորգ Մխեյանը / 70 կգ /, Անդրանիկ Գաբրիելյանը / 74 կգ /, Հովհաննես Մխիթարյանը  / 86 կգ / և Սարգիս Հովսեփյանը / 92 կգ /:

Թիմը մրցավայր  կուղեկցեն  / նոյեմբերի 15 –ին /  գլխավոր  մարզիչ Հաբեթնակ Կուրղինյանը և մարզիչ Էդգար Ենոքյանը:

ՀԱՕԿ լրատվական բաժին