Շախմատի միջաջազգային ֆեդերացիան հրապարակել է նոր վարկանիշային աղյուսակը մարտի 1-ի դրությամբ, որտեղ հայ գրոսմայստեր Լևոն Արոնյանը 7-րդից նահանջել է 9-րդ հորիզոնական:

Աշխարհի լավագույն տասը շախմատիստներն են` Մագնուս Կարլսեն (Նորվեգիա, 2838), Ուեսլի Սո (ԱՄՆ, 2822), Ֆաբիանո Կարուանա (ԱՄՆ, 2817), Վլադիմիր Կրամնիկ (ՌԴ, 2811), Մաքսիմ Վաշյե-Լագրավ (Ֆրանսիա, 2803), Հիկարու Նակամուրա (ԱՄՆ, 2793), Վիշվանաթան Անանդ (Հնդկաստան 2786), Սերգեյ Կարյակին (ՌԴ, 2783), Լևոն Արոնյան (Հայաստան, 2774), Շախրիյար Մամեդյարով (Ադրբեջան, 2772):

Լավագույն հարյուրյակի մեջ են հայ գրոսմայստերներ Սերգեյ Մովսիսյանը (63-րդ տեղ, 2679), Վլադիմիր Հակոբյանը (67-րդ, 2675), Գաբրիել Սարգսյանը (87-րդ, 2666):

Կանանց վարկանիշային աղյուսակում Էլինա Դանիելյանը զբաղեցնում է 32-րդ տեղը (2444), Լիլիթ Մկրտչյանը` 40-րդ (2431):

Առաջատարների եռյակը գլխավորում են Հոու Յիֆանը (Չինաստան, 2649), Ցզյու Վենցզյուն (Չինաստան, 2604) և Աննա Մուզիչուկը (Ուկրանիա, 2569):

Աղբյուրը` ՖԻԴԵ-ի պաշտոնական կայքի

Լուսանկարը` worldchess.com