Փարիզի օլիմպիական խաղերում  դրսևորվել են  հերկուլեսյան բազում  սխրանքներ, սրտաճմլիկ տեսարաններ, արցունքաբեր դրամաներ և այլն:

Գրանցվել է  42 ռեկորդ ՝  10 համաշխարհային և 32 օլիմպիական:

Մրցումների ընթացքին հետևել են  միլիարդավոր հանդիսականներ, հեռուստադիտողներ և սոցիալական ցանցերի հետևորդներ:

Վաճառվել է 9,5 միլիոն տոմս, որից 62% -ը  Ֆրանսիայի, իսկ 38% -ը ՝  Մեծ Բրիտանիայի, ԱՄՆ - ի , Գերմանիայի, Բելգիայի և  Նիդեռլանդների գնորդներ են:

Գրեթե 450,000  մարզասեր  Էյֆելյան աշտարակի ստորոտում հետևել է լողափնյա վոլեյբոլի հանդիպումներին: Կանանց ռեգբիի յոթնյակների մրցախաղին  ներկա է եղել  66 000 հանդիսական, որը համաշխարհային հաճախելիության նոր ռեկորդ է:

Գրեթե 1 միլիոն մարդ  Փարիզի փողոցներում երկրպագել է  տղամարդկանց և կանանց հեծանվային մրցաշարերի մասնակիցներին:

Մրցավայրերում վաճառվել է 400,000 հոթ-դոգ, այդ թվում՝ 100,000 –ը բուսական:

Փարիզ – 2024 –ի հարթակներում կատարվել է 2,4 միլիարդ դիտում:

Բացման արարողությունը ֆրանսիական հեռուստատեսությամբ դիտել է 24,4 միլիոն մարդ:

Օլիմպիական ավանում բնակվել է 11 804 մարզիկ – մարզուհի:

Ամեն օր 150 մասնակից  օգտվել է վարսավիրի և մատնահարդարի ծառայություններից, իսկ լվացքատանը օրական  աշխատել է 90 մարդ:

Խաղերի ընթացքում արվել է ամուսնության  յոթ առաջարկ:

Միջոցառման բյուջեն կազմել է  4,4 միլիարդ եվրո, որից  95% - ը մասնավոր ֆինանսավորում է եղել:  

2017 – 2024թթ. ավելի քան 180,000 մարդ է աշխատել  խաղերի նախապատրաստության համար.  10500 օլիմպիական մարզիկներ,  206 օլիմպիական պատվիրակություններ, 32 օլիմպիական մարզաձևեր,  45000 կամավորականներ . . .

Ներկայացված փաստերն ու  թվերն ընդամենը   փոքր մասն են ՝ Փարիզի օլիմպիական խաղերի մասին: