Փարիզի օլիմպիական խաղերի շուրջ շարունակվում է արտասովոր նորությունների  հաղորդումը: Եվ ահա  նոր նախաձեռնություն.  մեկնաբանություն նեյրոնային ցանցից։

Ամերիկյան խոշորագույն NBC հեռուստաընկերությունը, որին պատկանում են օլիմպիական խաղերի հեռարձակման իրավունքները Հյուսիսային Ամերիկայում,  համարձակ փորձ է ձեռնարկել.  հեռարձակումների մի մասը կուղեկցվի նեյրոնային ցանցից առաջացած ձայնային հոսքով։

Ծրագրի առանձնահատկությունը  ձայնն է: Այն թողարկելու է նեյրոնային ցանցը՝ ամերիկացի հայտնի մեկնաբան, 79 -ամյա Ալ Մայքլսի ձայնով։ Դա տեղի կունենա օլիմպիական խաղերի պատմության մեջ առաջին անգամ։

Կներկայացվի Մայքլսի լեզվի յոթ միլիոն տարբեր տատանումների բառապաշար, որը վերցված է NBC-ում աշխատելու երկար տարիներից: Գաղափարն ինքնին առնվազն հետաքրքիր է, բայց արդյոք համակարգիչը  կզրկի մարդկային մեկնաբանությունը:

Ծրագիրը լուրերի  ամենօրյա  ամփոփում է նախատեսում: 

Մայքլսը ամերիկյան Vanity Fair ամսագրին տված մեկնաբանությունում ասել է, որ սկզբում թերահավատորեն է վերաբերվել գաղափարին: Հետագայում համաձայնել է մասնակցել  նախագծին, երբ իրեն ցույց են տվել բովանդակություն ստեղծելու տեխնոլոգիան և  իր ձայնի արհեստական տարբերակը:

Մի քանի փորձնական հեռարձակումներից հետո  փորձագետները գոհ են մնացել։ Ավելին, նա ամենամեծ տպավորությունն է թողել հենց Մայքլսի վրա։ «Անկեղծ ասած, դա զարմանալի էր և մի քիչ սարսափելի»,- ասել է մեկնաբանը NBC News-ի եթերում։

Կարելի է ասել, որ մեկնաբանը  վախեցել  է աշխատանքը կորցնելու հավանականությունից: Այնուամենայնիվ, NBC-ն հատուկ ընդգծել է, որ այդ  աշխատանքը որևէ կերպ չի ազդի Մայքլսի պայմանագրի վրա: Նա կշարունակի աշխատել իրեն հարմար ռեժիմով։ Ավելին, ընկերությունը նրան  բարձր աշխատավարձ կվճարի՝  նեյրոնային ցանցի կողմից նրա ձայնն օգտագործելու համար։