Փարիզի օլիմպիական գյուղի  ռեստորանը մարզիկների, քաղաքական գործիչների և լրագրողների է հրավիրել   փորձնական համտեսի: Սաստիկ շոգի դեմ պայքարելու համար  առաջարկվում  են  առողջ սննդի տարբերակներ:

Այնտեղ չիպսեր չեն լինի, խորը տապակող սարք չի թույլատրվի: Նման ուտելիք ցանկացողները ստիպված կլինեն այլ տեղ փնտրել՝ ի տարբերություն «Ռիո- 2016  »-ի, որտեղ օլիմպիական ավանի ռեստորանում գործեց  աշխարհի ամենահայտնի արագ սննդի ցանցերից մեկը։

Օլիմպիական ավանի 3300 նստելատեղ ունեցող ռեստորանի ցանկը կառաջարկի  համշխարհային խոհանոցի ճաշատեսակներ:

«Մարդիկ Ֆրանսիայում կհավաքվեն մշակույթի, ժառանգության, ինչպես նաև գաստրոնոմիայի համար, ուստի սպասելիքներ կան: Մարզիկները կհետևեն իրենց  սննդակարգին, բայց նաև հնարավորություն կունենան զգալու ֆրանսիական հայտնի խոհանոցը », -  լրագրողներին ասել է « Փարիզ - 2024  »-ի կազմկոմիտեի  ղեկավար Թոնի Էստանգուն։