Սերբիայի մայրաքաղաք Բելգրադին ապրիլի 28 –ին  հրաժեշտ կտան Եվրոպայի բռնցքամարտի առաջնության մասնակիցները: Նրանք իրենց երկրներ կվերադառնան տարբեր տրամադրությամբ: Հասկանալի է, որ մեդալակիրներին դիմավորողներ կլինեն:

Ջերմ շնորհավորանքների կարժանանան հատկապես  Բարեղամ Հարությունյանը / 48 կգ / և Նարեկ Մանասյանը / 92 կգ /: Նրանք երեկ հերթական հաղթանակը տոնեցին, մտան եզրափակիչ և իրենց  համար ապահովեցին առնվազն արծաթե մեդալ: Ենթադրում ենք, որ եզրափակիչում, ոսկե մեդալի համար պայքարում, մեր երկյակը կդրսևորի  առավել բարձր մարտունակություն, անկոտրում կամք, հաղթանակի մեծ ձգտում և կարժանանան ոսկե մեդալների: 

Բրոնզե պարգևներ կստանան երրորդը ճանաչված Արթուր Բազեյանը / 57 կգ /,  Արթուր Սահակյանը / 60 կգ /, Արարատ Հարությունյանը / 67 կգ /, կանանց թիմից ՝ Անուշ Գրիգորյանը / 50 կգ /  և  Անի Հովսեփյանը / 70 կգ /: