Բուլղարիայի Վառնա քաղաքում ավարտվեց սպորտային մարմնամարզության World Challenge Cup միջազգային մրցաշարը: Հայաստանի երկու պատվիրակները իրենց հաշվին չորս մեդալ գրանցեցին: Հավաքականի առաջատար, օլիմպիական խաղերի բրոնզե մեդալակիր, Եվրոպայի և աշխարհի կրկնակի  չեմպիոն Արթուր Դավթյանը առաջինը ճանաչվեց իր նախասիրած հենացատկում: Երևանցին  երրորդն էր  օղակների վրա և  նժույգթափերում:  

Օղակների վրա վարժությունում կատարողական վարպետությամբ մրցակիցներին գերազանցեց և առաջին տեղը գրավեց Արթուր Ավետիսյանը:

Ստուգատեսը իր շարունակությունը կունենա Խորվաթիայի Օսիյեկ քաղաքում:  World Challenge Cup մրցաշարի հերթական փուլը  կանցկացվի  հունիսի 8-ից 11-ը: Նշած մեդալակիրներից բացի, Խորվաթիայում կմրցեն նաև Արթուր Թովմասյանը, Գագիկ Խաչիկյանը և կանանց մրցումների մասնակից  Մանե Պողոսյանը: Նրանց գործիքների մոտ կուղեկցեն մարզիչներ Հայկ նազարյանը և Քնարիկ Բրսոյանը:

Մրցավարական հանձնաժողովը դարձյալ կհամալրի  ՀՀ հավաքականի գլխավոր մարզիչ, միջազգային կարգի մրցավար Հակոբ Սերոբյանը: