ՆՈՐ ՄՐՑԱՇՐՋԱՆԸ ՝ ՇԱԽՄԱՏԻՍՏՆԵՐԻ ՄԵԿՆԱՐԿՈՎ
Տիգրան Պետրոսյանի անվան շախմատի տուն – մարզադպրոցում այսօր տեղի կունենա Հայաստանի տղամարդկանց և կանանց բարձրագույն խմբի առաջնության բացման արարողությունը: Խաղատախտակների շուրջ կնստեն 10 – ական մարզիկ – մարզուհիներ:
Գլխավոր մրցավարներն են միջազգային կարգի մրցավարներ Աշոտ Վարդապետյանը / տղամարդկանց / և Նունե Վարդանյանը / կանանց /:
Մրցակարգը շրջանաձև է և մասնակիցներից յուրաքանչյուրը կխաղա ինը պարտիա:
Տղամարդկանց մրցաշարին կմասնակցեն Մանուէլ Պետրոսյանը, Արամ Հակոբյանը, Սամվել Տեր-Սահակյանը, Ռոբերտ Հովհաննիսյանը, Զավեն Անդրիասյանը, Տիգրան Պետրոսյանը, Տիգրան Հարությունյանը, Մամիկոն Ղարիբյանը, Արմեն Բարսեղյանը, Սարգիս Սարգսյանը , իսկ կանանցը՝ Մարիա Գևորգյանը, Սուսաննա Գաբոյանը, Աստղիկ Հակոբյանը, Աննա Խաչատրյանը, Վերոնիկա Խաչատրյանը, Նարինե Գասպարյանը, Արփինե Գրիգորյանը, Ասյա Եդիգարյանը, Պոլինա Կոբակը, Նվարդ Հայրապետյանը:
ՀՀ չեմպիոնները և մրցանակակիրները հայտնի կդառնան հունվարի 22 –ին: Հաղթողները կհամալրեն մարզաձևի մեր ազգային հավաքականները:
