Բռնցքամարտի եվրոպական միությունը  / EUBC /  հրապարակել է  կարևոր միջոցառումների մրցավայրերն ու ժամանակները: 

Ներկայացված նկարը հուշում է, որ Եվրոպայի երիտասարդական առաջնությունը տեղի կունենա Հայաստանում ՝ ապրիլին: Հիշեցնենք, որ նախորդ մրցաշրջանում մեր մայրաքաղաքում  անցկացվեց Եվրոպայի տղամարդկանց   44 –րդ առաջնությունը:

Հայաստանի հավաքականի հաշվին գրանցվեց չորս մեդալ. /  մեկ ոսկե, երկու արծաթե և մեկ բրոնզե /:

Երրորդ անգամ Եվրոպայի չեմպիոնի պատվին արժանացավ գյումրեցի Հովհաննես Բաչկովը / 63 , 5 կգ / : 

Փոխչեմպիոն դարձան երևանցիներ Արթուր Բազեյանը / 57 կգ / և Ռաֆայել Հովհաննիսյանը / 86 կգ /:

Պատվանդանի <<  բրոնզե >> աստիճանին կանգնեց աբովյանցի Նարեկ Մանասյանը / 92 կգ /: