Համաշխարհային հակադոպինգային գործակալության  (WADA) գործկոմը հայտարարել է, որ  ութ կազմակերպություն չի համապատասխանում  օրենսգրքին: Դրանք են ՝  Չեռնոգորիայի, Ռումինիայի, Թաիլանդի, Հյուսիսային Կորեայի, Ինդոնեզիայի ազգային հակադոպինգային կազմակերպությունները, կշռաքարային սպորտի  և խուլերի բասկետբոլի միջազգային ֆեդերացիաները:

WADA- ն չորս ամիս ժամանակ է  տվել Հունաստանի, Իրանի, Լատվիայի, Նիդեռլանդների, Պորտուգալիայի, Իսպանիայի և Ուզբեկստանի ազգային հակադոպինգային կազմակերպություններին՝  թերությունները վերացնելու համար: Նրանք նույնպես անհամապատասխան  կհամարվեն, եթե մինչև հաջորդ տարվա հունվարի 14 -ը չուղղեն իրավիճակը: 

Կայացվել են նաև արգելված դեղամիջոցների ցանկին առնչվող մի շարք որոշումներ:

WADA- ի գործկոմի հաջորդ նիստը տեղի կունենա Փարիզում ՝  նոյեմբերի 24 –ին: