ՀԱՕԿ-ը սկսել է  ՄՕԿ –ի << Օլիմպիական համերաշխություն >> ծրագրի  << Հակադոպինգային ոլորտի մասին մարզերում գիտելիքների իրազեկման, ապահովման և բուժհետազոտությունների իրականացման  >>  կրթական ծրագիրը: Այն ղեկավարում է ՀԱՕԿ  -ի հակադոպինգային ոլորտը համակարգող, կենսաբանական գիտությունների դոկտոր – պրոֆեսոր Արեգ Հովհաննիսյանը:

Փորձագետներ են  ընտրված  ՀՀ  առաջատար սպորտային բժիշկները և հակադոպինգային նորաստեղծ գործակալության առաջատար մասնագետները:

Առաջնահերթ խնդիրն է իրազեկել,  ծանոթացնել մարզերում աշխատող մարզիչներին և մարզիկներին ՀՀ  և համաշխարհային հակադոպինգային գործակալության նոր կանոնները, մանրամասն բացատրել  հիմնական դրույթները:

Առաջին սեմինարը տեղի ունեցավ ՀԱՕԿ –ի՝ Լոռվա մարզային մասնաճյուղում: Միջոցառման մասնակից   50 մարզիկներին և մարզիչներին ներկայացվեցին համապատասխան նյութերը և  բրոշյուրները:

Սեմինարից հետո մեր  օլիմպիական թիմի գլխավոր բժիշկ Դավիթ Մոսինյանը և ՀՀ ֆուտբոլի հավաքականի բժիշկ Կարեն Ստեփանյանը իրականացրեցին վնասվածքներ ունեցող երիտասարդ մարզիկների բուժզննում  և տվեցին կարևոր խորհուրդներ:

Լոռու մարզի գրեթե բոլոր մարզադպրոցները ապահովվեցին 2021թ. արգելված նյութերի, բուժման համար օգտագործվող չարգելված դեղերի, ինչպես նաև վտանգավոր, աղտոտված կենսահավելումների ցուցակներով:

Հաջորդ սեմինարը նախատեսված է անցկացնել  Շիրակի մարզում: