Պրահայում մեկնարկել է    Եվրոպայի ձյուդոյի  հերթական առաջնությունը , որին մասնակցում են  40 երկրների 345 մարզիկ – մարզուհիներ։ Խաղարկվող մեդալների  14 հավաքածուների համար պայքարն ընթանում է  տղամարդկանց և կանանց յոթական քաշային կարգերում: Առաջնությունը  վարկանիշային է և մասնակիցները պայքարում են  Տոկիոյի  օլիմպիական ուղեգրերի  միավորներ ձեռք բերելու համար։

Հայաստանն այդ ստուգատեսում ներկայացնում  է  Եվրոպայի չեմպիոն Ֆերդինանդ Կարապետյանը: Այսօր ՝ նոյեմբերի 20-ին նա իր առաջին հանդպումը կանցկացնի  Իտալիայի ներկայացուցիչ Ջիովանի Էսպոսիտոյի հետ:

Ավելորդ չէ նշել ,որ կազմակերպիչները մշակել են համաճարակի անվտանգության բոլոր պաշտպանական միջոցառումները։ Տեղաշարժը հյուրանոցում բացառապես դիմակներով է, պետք է պահպանվի սոցիալական հեռավորություն,  բոլոր մասնակիցները անցել են համապատասխան թեստավորում, իսկ մարզասերները մրցումների ընթացքին կարող են հետևել հեռուստատեսությամբ։