Ճապոնիայի վարչապետ Սինձո Աբեն  խորհրդարանում ասել է, որ ինքը  միջազգային օլիմպիական կոմիտեին  / ՄՕԿ /  խոստումներ չի տվել ճապոնական կողմի  լրացուցիչ ծախսեր կատարելու մասին։ << Այդ հայտարարությունը չի համապատասխանում  իրականությանը, - ասել է Աբեն և շարունակել , -   ևս մեկ անգամ շեշտում եմ  , որ Ճապոնիան ամեն ինչ կանի, որպեսզի հաջորդ տարվա խաղերն անցկացվեն կորոնավիրուսի նկատմամբ մարդկության տարած հաղթանակի  պատվին>> : 

Ապրիլի 20-ին ՄՕԿ-ի կայքում  տեղադրվել են օլիմպիական խաղերի հետաձգման հետ կապված նյութեր: Այնտեղ նշվել է, թե  վարչապետ Շինձո Աբեն համաձայնել է, որ  Ճապոնիան կշարունակի կատարել լրացուցիչ  ծախսերը ՝ 2020 թ․ կնքած պայմանագրի համաձայն: Այդ օրն իսկ տեքստի այդ մասը հանվել է և փոխվել  հրապարակումը ։

Մեկնաբանելով  հայտարարությունը Տոկիոյի քաղաքապետ Յուրիկո Կոիկեն լրագրողներին  հայտնել է,որ Ճապոնիայի կառավարությունը  և  խաղերի կազմկոմիտեն մանրամասն կուսումնասիրեն  հարցը։

Խաղերը հետաձգելու  պատճառով ամենամեծ վնասը կրել է Ճապոնիան։ Նախապատրաստության վրա արդեն ծախսել է ավելի քան 12 միլիարդ դոլար։