Սեպտեմբերի 13 –ին  Սերբիայի մայրաքաղաք Բելգրադ կմեկնի ՀՀ ազատ ընբշամարտի հավաքականը: Մեր մարզիկները  երկու օր հետո կմասնակցեն  այնտեղ մեկնարկող աշխարհի առաջնությանը:

Թիմի գլխավոր մարզիչ Հաբեթնակ Կուրղինյանը երեկ հանդիպել է լրագրողներին: Նա գոհ է  մարզիկների ընդհանուր պատրաստականությունից: Տղաները անտրտունջ մարզվել են Ռուսաստանում անցկացված ուսումնամարզական հավաքներում , որից հետո ըմբիշները վերադարձել են հայրենիք և մարզումները շարունակում են մայրաքաղաքի Օլիմպավանում:

Մրցումներում մեր երկիրը կներկայացնի վեց ազատ ոճային: Նրանցից յուրաքանչյուրը ի վիճակի է մրցանակակիր դառնալ ու այդ մասին վկայում է նրանց լավ մարզավիճակը:

Մրցագորգի վրա իրենց ունակությունները կդրսևորեն  Մանվել Խնձրցյանը (57 կգ), Արսեն Հարությունյանը (61 կգ), Վազգեն Թևանյանը (65 կգ), Արման Անդրեասյանը (70 կգ), Հրայր Ալիխանյանը (74 կգ), Արման Ավագյանը  (79 կգ):