Լեհաստանի Վրոցլավ քաղաքում մեկնարկել է  Եվրոպայի  հրաձգության առաջնությունը: Չեմպիոններն ու փոխչեմպիոնները միանգամից կարժանանան Տոկիոյի օլիմպիական խաղերի ուղեգրերի:

Մեր երկրի 16 պատվիրակներից առաջինը կրակագիծ ելան շարժական  թիրախ` ոչ օլիմպիական մրցաձևի  երեք մարզուհիներ: Օդամղիչ հրացանով, 30 + 30 կրակահերթերից հետո,  Գոհար Հարությունյանը, Լիլիթ Մկրտչյանը և Արուսյակ Գրիգորյանը գրավեցին համապատասխանաբար 7 –րդ, 8 –րդ, և 10 –րդ տեղերը / 10 մ. մրցատարածությունում /:

Թիմային պայքարում, Ուկրաինայի և Ռուսաստանի պատվիրակներից հետո,  մեր եռյակը 1637 միավորով դարձավ երրորդ մրցանակակիր: