Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը լրագրողների հետ զրույցում խոսեց աշխարհի ու Եվրոպայի չեմպիոն Դավիթ Սաֆարյանի հնարավոր վերադարձի մասին:

Ռիոյի օլիմպիական խաղերից հետո Սաֆարյանը տեւական ժամանակ չէր մարզվում:

«Դավիթ Սաֆարյանը մոտ երկու ամիս առաջ վերսկսել է մարզումները: Նա պետք է լիովին վերականգնվի ու մտնի մարզական գործընթացի մեջ: Մինչեւ տարեվերջ պարզ կդառնա` Դավիթը կշարունակի մարզիկի կարիերան, թե ոչ»,- հայտնեց Արայիկ Բաղդադյանը: