«Ճանապարհ դեպի Ռիո». Բռնցքամարտիկ Հովհաննես Բաչկով
Հայաստանի ազգային օլիմպիական կոմիտեի պաշտոնական կայքը «Ճանապարհ դեպի Ռիո» նախագծում ներկայացնում է Օլիմպիական խաղերում Հայաստանը ներկայացնող մարզիկներին և նրանց օլիմպիական լուսանկարները, որոնք արվել են լուսանկարիչ Հակոբ Բերբերյանի կողմից՝ հատուկ «Ճանապարհ դեպի Ռիո» նախագծի համար:
Մեր նախագծի հաջորդ հերոսը բռնցքամարտիկ Հովհաննես Բաչկովն է (64 կգ): Ծնվել է 1992 թվականին Գյումրիում: Բռնցքամարտով զբաղվում է 7 տարեկանից: Բաչկովն իր ուղեգիրը նվաճեց պրոֆեսիոնալների համար անցկացվող մրցաշարում, որտեղ նաև հաղթեց:
Իր կյանքի ամենամեծ ձեռքբերումը համարում է ընտանիք կազմելը: Բաչկովի կարծիքով՝ բոլոր ժամանակների լավագույն բռնցքամարտիկը Մուհամեդ Ալին է:
-Խաղերին ի՞նչ թալիսման ես հետդ տանելու:
-Իմ թալիսմանը խաչս է: Հռոմի պապն է օրհնել այն: Ընկերս է բերել Իտալիայից:
-Ու՞մ կուզեիր կողքիդ կամ հանդիսատեսի շարքում տեսնել:
-Եղբորս և քեռուս:
-Նկարագրիր Օլիմպիական խաղերը երեք բառով:
-Կամք, ուժ,համբերություն:
-Ո՞ւմ հետ ես առաջինը կիսելու հաջողությունդ:
-Բոլոր նրանց հետ, ովքեր կուրախանան:
-Ինչպե՞ս կուզես, որ հիշվեն այս Օլիմպիական խաղերը:
-Աստծո կամոք՝ հաղթական:
Լողորդներ՝ Վահան Մխիթարյան
Ձյուդոյիստ`Հովհաննես Դավթյան
Աթլետներ՝ Գոռ Ներկարարյան
Մարմնամարզիկներ՝ Հուրի Գեբեշյան
Ըմբիշներ՝ Լևան Բերիանիձե
Հրաձիգ՝ Հրաչ Բաբայան
Բռնցքամարտիկներ՝ Նարեկ Աբգարյան
Պաշտոնական գործընկեր՝ Ucom
ՀԱՕԿ լրատվության բաժին
