Հնդկաստանը միջազգային օլիմպիական կոմիտեին (ՄՕԿ) պաշտոնապես ծանուցել է  2036թ.  ամառային օլիմպիական և պարալիմպիկ խաղերն ընդունելու իր մտադրության մասին։ Այդ  հետաքրքրությունը բազմիցս արտահայտել է Հնդկաստանի կառավարության ղեկավար Նարենդրա Մոդին։ Այդ երկիրն այդպիսով լուրջ  քայլ է  ձեռնարկել  օլիմպիական խաղերը հյուրընկալելու համար:  Դա կնպաստի տնտեսական աճին, սոցիալական առաջընթացին և երիտասարդության առողջ ապրելակերպի գործընթացին:

Հնդկաստանի ԱՕԿ-ի նամակն ուղարկվել է ՄՕԿ-ի հատուկ հանձնաժողով, որը բանակցություններ է վարում  դիմողների հետ։

Բանակցությունների ավարտից հետո, ՄՕԿ-ի գործկոմը, ընտրությունների միջոցով,  կորոշի խաղերի մայրաքաղաքը։

Հնդկաստանը մտադիր է բոլոր ջանքերը գործադրել մարզահանդեսը կազմակերպելու համար։ Եթե Դելիի հայտը հաստատվի, 2036թ.  խաղերը կլինեն նման  մակարդակի առաջին մրցումները, որոնք կանցկացվեն հնդկական հողի վրա։

Մեքսիկան, Ինդոնեզիան և Լեհաստանն արդեն հայտեր են  ներկայացրել ՄՕԿ: