Կոսովոյի  Պրիշտինա քաղաքում ավարտվեց  Եվրոպայի փոքր երկրների կանանց բասկետբոլի առաջնությունը:

Խմբային մրցաշարում, ինչպես հայտնի է, մեր թիմը  ճանաչվեց երրորդը և պայքարը շարունակեց 5 – 8 –րդ տեղերի համար:

Հայաստանի հավաքականը մարտական տրամադրությամբ խաղադաշտ մտավ վրաստանցիների դեմ խաղում և  81 : 58 հաշվով  վստահ հաղթանակ տոնեց: Դա երևի թուլացրեց հայ մարզուհիների զգոնությունը: Խաղասկզբից այդ հանգամանքը զգացվեց  տանտիրուհիների հետ խաղում, արդյունքում գրանցվեց պարտություն՝ 39:53 և առաջնությունում մեր ընտրանին  գրավեց վեցերորդ տեղը:

Նշած երկու մրցամարտում մեր թիմից արդյունավետ նետումներով աչքի ընկավ  Կայլա Քեշմեշյանը:

Ստուգատեսում  հայ բասկետբոլիստուհիների ելույթները դժգոհելու տեղիք չեն տալիս: Ավելին, 14 տարվա ընդմիջումից հետո ՀՀ բասկետբոլի ֆեդերացիային հաջողվեց ձևավորել նոր հավաքական, որը տեղ ունեցավ ուժեղագույն վեցյակում: