Փարիզի օլիմպիական խաղերի կազմակերպիչները ջրի բարձր մակարդակի պատճառով երկրորդ անգամ հետաձգել են Սենա գետի  վրա նախատեսված միջոցառման բացման արարողության փորձը։

Առաջին փորձը պետք է կայանար ապրիլի ութին, երկրորդը ՝ մայիսի 27 –ին:  Պաշտոնյաները հավաստիացնում են, որ միջոցառումը  տեղի կունենա, երբ եղանակային պայմանները բարենպաստ լինեն:

Նշենք, որ ամառային խաղերի պատմությունում  բացման արարողությունը առաջին անգամ կանցկացվի  մարզադաշտից դուրս:

Այնուամենայնիվ, հավակնոտ ծրագիրը  բարձր ռիսկային է համարվում, քանզի Սենայում կմրցեն նաև   բաց ջրերում լողի և եռամարտի մրցումների մասնակիցները:  

<< Փարիզ - 2024 >> -ի կազմակերպիչներն ասում են, որ խաղերին ընդառաջ լրատվամիջոցների անհանգստությունն ու բացասական լուսաբանումը սովորական երեւույթ է ընդունող երկրներում և  շարունակում են լավատես լինել: