Ֆրանսիայում  իր երթն է շարունակում օլիմպիական ջահի փոխանցավազքը:

Հերթական օրը կրակը դիմավորել են Եվրոպայի խորհրդի խորհրդարանական վեհաժողովի նիստերի դահլիճում:

«Բարի գալուստ խաղաղության օլիմպիական կրակ ՝  մարդու իրավունքների օրրան»,-հայտարարել է  ԵԽԽՎ նախագահ Թեոդորոս Ռուսոպուլոսը: Նա նաև ասել է, որ ներկաները  ականատես են լինում  պատմական իրադարձության և  լավագույն մաղթանքներ  է հղել միջազգային օլիմպիական կոմիտեին ու Ֆրանսիային՝ 33-րդ ամառային  խաղերի կազմակերպման համար։

Մինչ դահլիճում հայտնվելը, օլիմպիական ջահը շրջել է Ստրասբուրգի փողոցներով, որտեղ քաղաքային  իշխանությունները անվտանգության զգալի ուժեր են տեղակայել :