Toyota Motor ավտոարտադրական կորպորացիան չի երկարաձգի պայմանագիրը միջազգային օլիմպիական կոմիտեի (ՄՕԿ) հետ։ Այս մասին հայտնում է Kyodo գործակալությունը։

Toyota Motor-ը, ըստ գործակալության աղբյուրների, ցանկանում է պահպանել հովանավորությունը միայն պարալիմպիկ խաղերի համար:

Կորպորացիան միջազգային օլիմպիական կոմիտեի հետ պայմանագիր է կնքել 2015թ. և  այն ուժի մեջ է մինչև 2024թ.:

Ըստ Kyodo-ի՝ համաձայնագրի  ընդհանուր ծավալը կազմում է ավելի քան 100 միլիարդ իեն (մոտ 640 միլիոն դոլար ընթացիկ փոխարժեքով):

Toyota Motor-ը Փարիզի օլիմպիական խաղերի համար տրամադրել է  ավելի քան երեք  հազար ավտոմեքենա՝ հիմնականում էկոլոգիապես մաքուր մեքենաներ, որոնք աշխատում են ջրածնային վառելիքով։

Կորպորացիան այնուամենայնիվ կաջակցի  Ճապոնիայում գործող շուրջ 20 մարզաձևերի: