ԵՐԵՔ ՄԱՐՏԻԿ
09:57 - 10 Մայ, 2023
Հայաստանի երեք ներկայացուցիչներ են մասնակցելու Տաշքենդում ընթացող բռնցքամարտի աշխարհի առաջնության քառորդ եզրափակիչի մենամարտերին: Որոշիչ այդ հանդիպումները նշանակված են այսօր:
Առաջին մրցահերթում Հովհաննես Բաչկովը (63,5 կգ) կմրցի կոլումբիացի Մանուել Վիաֆարանի հետ, իսկ Նարեկ Մանասյանը (92 կգ)՝ իսպանացի Էնմանուել Ռեյես Պլայի հետ:
Այսօր երեկոյան ռինգ կելնի նաև ասպարեզում մնացած մեր երրորդ պատվիրակը ՝ Ռաֆայել Հովհաննիսյանը (86 կգ): Նա հանդիպելու է վրացի Գեորգի Կուշիտաշվիլու հետ:
Հաղթանակի պարագայում մեր տղաները կմտնեն կիսաեզրափակիչ և իրենց համար կապահովեն առնվազն բրոնզե մեդալ:
Այլ նորություններ
