Հնդկաստանը  նախատեսում է հաջորդ տարվա  սեպտեմբերին հայտ ներկայացնել 2036թ. օլիմպիական խաղերի անցկացման համար: Այս մասին ասել է  երկրի  սպորտի նախարար Անուրագ Թակուրը։ 

« Եթե Հնդկաստանը կարողացել է  ստանձնել G20-ի նախագահությունը նման մեծ մասշտաբով, ապա  վստահ եմ, որ կառավարությունը մեր ԱՕԿ –ի հետ  կկարողանա  կազմակերպել նաև  օլիմպիական խաղեր: Տեղյակ ենք, որ տեղերը ամրագրված են մինչև 2032 թվականը: Բայց 2036  - ի համար  վստահ ենք, որ Հնդկաստանը լիովին կնախապատրաստվի և  հայտով կդիմի ՄՕԿ -ին »,- Times of India-ին ասել է Թակուրը:  

Նա նաև նշել է, որ կնախապատրաստեն միջոցառման  ճանապարհային քարտեզ և այն  հաջորդ սեպտեմբերին կներկայացնեն  Մումբայում կայանալիք միջազգային օլիմպիական կոմիտեի  համաժողովին։ 

Հնդկաստանը մեծ  ջանքեր է ներդնում սպորտի զարգացման համար և վստահ է, որ  կկարողանա ընդունել օլիմպիական խաղերը:  

Եթե ամեն բան հաջող ընթանա, ապա Գուջարաթ նահանգի Ահմեդաբադը, ամենայն հավանականությամբ, կլինի խաղերի «հյուրընկալող քաղաքը»: