ՀԱՆԴԻՊՈՒՄ ՎԱՏԻԿԱՆՈՒՄ
Վատիկանում տեղի է ունեցել միջազգային սպորտային գագաթնաժողով:
Միջազգային օլիմպիական կոմիտեի (ՄՕԿ) նախագահ Թոմաս Բախը Հռոմի պապ Ֆրանցիսկոսի և սպորտի ու միջկառավարական խոշոր կազմակերպությունների այլ ղեկավարների հետ ստորագրել է նոր հռչակագիր ՝ սպորտը մասսաներին հասանելի դարձնելու համար:
Հռչակագիրը պետք է նպաստի ընդգրկուն հասարակություն ստեղծելուն: Փաստաթուղթը ներկայացնում է նոր պարտավորություն՝ խթանելու սպորտի սոցիալական և ներառական գործին:
Թոմաս Բախն իր ելույթում նշել է, որ համաժողովն ու հռչակագրի ընդունումը նպատակ ունի աշխարհն ավելի լավը դարձնել:
Նա շնորհակալ է սրբազան հորը ՝ հրաշալի նախաձեռնության համար, որը ցույց է տալիս, որ հավատքն ու սպորտը կարող են լրացնել միմյանց, քանզի դրանք կիսում են նույն արժեքները և օգնում են միասին ապրել խաղաղ:
ՄԱԿ -ի մեր գործընկերները բազմիցս ասել են, որ փախստականներին երբ հարցնում են, թե սնունդից և կացարանից հետո ամենաշատը ինչի կարիք ունեն, պատասխանել են ՝ սպորտը:
Եզրափակելով իր խոսքը, նախագահ Բախը կոչ է արել աշխատել սպորտի միավորող ուժը գիտակցելու նշանաբանով:
Միջազգային սպորտային գագաթնաժողովը համախմբել էր մարզաշխարհի ավելի քան 200 ներկայացուցչի:
Համագումարին մասնակցել են տարբեր դավանանքների և կրոնների, ինչպես նաև ոչ առևտրային կազմակերպությունների ու կրթական հաստատությունների ներկայացուցիչներ:
Գագաթնաժողովին զուգահեռ ՄՕԿ-ի նախագահը առանձնազրույց է ունեցել Ֆրանցիսկոս պապի հետ:
Հռոմի պապը բարձր է գնահատել ՄՕԿ-ի նախաձեռնությունները:
