. . . ՔԻՉ ԷԼ ՍՊԱՍԵՆՔ
Բելգրադյան ստուգատեսում միմյանց են հաջորդում հետաքրքիր իրադարձությունները: Հենց առաջին օրը տանտերերը երկու չեմպիոն ունեցան:Երկու դեպքում էլ ոսկե մեդալակիրների անունները << տեղական >> չէին: Օրինակ, մեր մարզասերին հանրածանոթ Դաթունաշվիլի ազգանունը, որը առավել հայտնի է վրացական ֆուտբոլից: Մենք էլ << ոսկու >> հույս ունենք: Իրադարձություններից առաջ չընկնենք ու հետևենք երեկոյան մրցահերթի ընթացքին: Ասենք, որ գյումրեցի աշխարհահռչակ Արթուր Ալեքսանյանը / 97 կգ / արդեն եզրափակիչում է և << ոսկու >> համար կգոտեմարտի Եվրոպայի գործող չեմպիոն և աշխարհի նախկին փոխչեմպիոն, բուլղարացի Կիրիլ Միլովի հետ:
Այսօր բրոնզե մեդալի համար սփոփիչում պայքար կմղի Հրաչյա Պողոսյանը / 63 կգ /: Նրանից բացի, մեկնարկի կելնեն Գևորգ Ղարիբյանը / 60 կգ / և Դավիթ Օվասափյանը / 130 կգ /:
Ավաղ, կորուստներ նույնպես ունենք: Ձեռնունայն տուն կվերադառնան Ռուդիկ Մկրտչյանը / 55 կգ /, Սլավիկ Գալստյանը / 67 կգ / և Կարապետ Չալյանը / 82 կգ /:
