Բռնցքամարտը համարվում է հայկական մարզաձև: Դեռևս 385թ․ 291 –րդ օլիմպիական խաղերի կռփամարտի մրցումներին մասնակցել է հայոց թագավորական տոհմի շառավիղ Վարազդատ Արշակունին և հաղթելով բոլոր մրցակիցներին հռչակվել է օլիմպիական չեմպիոն։

Հաղթական ուղիով են  ընթանում նաև ժամանակակից բռնցքամարտի մեր վարպետները: Հենց միայն Եվրոպայի առաջնություններում Հայաստանի ներկայացուցիչները 16 անգամ դարձել են չեմպիոն: Էլ չենք ասում  նաև հին աշխարհամասում, աշխարհի առաջնություններում  և օլիմպիական խաղերում մերոնց տոնած հաջողությունների  մասին:

Բռնցքամարտը սիրում է նաև հայ մարզասերը, որը իր  ներկայությամբ ոգևորում է  մեր երկրի ներկայացուցիչներին: Այս մասին վկայեց նաև  Երևանում մեկնարկած Եվրոպայի առաջնությունը:

Հայաստանի թիմից առաջինը ռինգ ելած Վախթանգ Հարությունյանն ինքը խոսոտովանեց , որ լեհ մրցակցի հետ մենամարտում իր տոնած  հաջողությանը  նպաստեցին նաև երկրպագուները:Ասենք, որ Վախթանգի համար հեշտ չէր մենամարտել մարզաձևի ավանդույթներով հարուստ լեհացու հետ: Բայց որ երևանցին արժանապատվորեն դուրս ելավ ասպարեզից, դա փաստ է, մանավանդ,  որ 75 կգ քաշայինների   այդ պայքարի  երրրոդ ռաունդում,  մեր վարպետի  դիպուկ հարվածից  ցնցվեց, նոկդաունի ենթարկվեց Բարտոշ  Գոլոբևսկին:

Տանտերերի  հաշվին  գրանցված առաջին հաղթանակը  մարզասերը գնահատեց որպես  մրցաշարի  հաջող շարունակության յուրատեսակ թալիսման:

Այսօր, առաջնության երկրորդ օրը, Հայաստանի հավաքականից ռինգ կելնեն Ջանիկ Սահակյանը / 54 կգ /, որը կմրցի ուկրաինացի Յելմիր Բավիևի, Նարեկ Զախարյանը  / 71կգ /  ՝ սլովակ Թեքեքս Միկալի և Համբարձում Հակոբյանը / 80 կգ /`  մոլդովացի  Քոսիան Դմիտրիի հետ: