ՕԼԻՄՊԻԱԿԱՆ ՓԱՌԱՏՈՆՈՒՄ
11:47 - 23 Մար, 2022
Ֆինլանդիայի Վուոկատի քաղաքում ընթանում է Եվրոպայի երիտասարդական ձմեռային օլիմպիական փառատոնը: Մասնակիցների թվում են նաև մեր երկրի ներկայացուցիչները:
Տղաների դահուկավազքում իրեն վատ չի դրսևորում աշոցքցի Սպարտակ Ոսկանյանը: 10 կմ ազատ ոճում, 76 մրցակիցների պայքարում, Սպարտակը զբաղեցրեց աղյուսակի 52 –րդ, իսկ 7, 5 կմ դասական ոճում ՝ 49 - րդ հորիզոնականը:
Աղջիկների վազքում աշոցքցի Անգելինա Մուրադյանը 64 մրցակիցների միջև, 7,5 կմ ազատ ոճում 61 –րդն էր, իսկ 5 կմ դասականում՝ 59 –րդը:
Լեռնադահուկորդների ոլորավայրէջքում արագ վայրկյանների << հետևից է ընկել >> ծաղկաձորցի Հայկ Հովհաննիսյանը: Ավաղ, նրան չի հաջողվել ավարտել մրցատարածությունը:
Վաղը ՝ մարտի 24 –ին, մեր դահուկորդներ Սպարտակ Ոսկանյանը և Անգելինա Մուրադյանը հանդես կգան 1100մ արագավազքում:
Այլ նորություններ
