Ավարտվել են  Հայաստանի բասկետբոլի տղամարդկանց / Vbet Ա լիգա /  կանոնավոր առաջնության օրացուցային հանդիպումները:

Հաղթող է ճանաչվել  « Էրեբունին »: Առաջին եռյակում են նաև «Ուրարտու»   և ԲԿՄԱ թիմերը: Սակայն Հայաստանի չեմպիոնը և մրցանակակիրները դեռևս հայտնի չեն:

ՀԲՖ - ի կանոնակարգով նշած թիմերին միանում է հերթական եռյակը և վեց թիմեր գլխավոր եզրափակիչում / փլեյ – օֆֆ / որոշում են մրցանակակիրներին:

Հավելենք, որ օրացուցային հանդիպումների երկու լավագույն թիմերը, ներկա դրությամբ  «Էրեբունին» և «Ուրարտուն», փլեյ –օֆֆի –ի մեկնարկում ազատ են, իսկ նրանց հաջորդող « Գյումրի » ,   « Արարատ », «Արցախ »  և ԲԿՄԱ թիմերը միմյանց հետ հանդիպումներում որոշում են երկուական հաղթանակ տանող այն երկու ակումբներին, որոնք կմտնեն կիսաեզրափակիչ ու կմիանան «  Էրեբունի»  և  « Ուրարտու »  թիմերին: 

Արդեն ավարտվել են «Գյումրի » -  «Արարատ »  թիմերի երկու հանդիպումները: Երկու անընդմեջ հաղթանակ  է տարել «Գյումրին »  և իր տեղը ապահովել է կիսաեզրափակիչում:

Այսօր կմեկնարկի ԲԿՄԱ –ի  և «  Արցախի »  առաջին  մրցավեճը: Նրանք կմրցեն նաև վաղը: Երկու հաղթանակ տանող թիմը նույնպես կմտնի կիսաեզրափակիչ և լավագույն քառյակը կորոշի ՀՀ տղամարդկանց բասկետբոլի առաջնության չեմպիոնին և մրցանակակիրներին:

Շարունակվում են  VBET Հայաստանի կանանց առաջնության հանդիպումները:

«Երևան Բասկետը»   99 : 53 հաշվով հաղթեց   «Լես Ֆոքսիսին» և մրցաշարում գրանցեց իր 11 –րդ հաղթանակը:

Այսօր ՝ մարտի 15-ին «Գյումրին»  կընդունի «Հատիսին»: