Պեկինում ավարտվեց 24-րդ ձմեռային օլիմպիական խաղերը։ Փակման գունեղ արարողությունը տեղի ունեցավ  հատուկ ամառային օլիմպիական խաղերի համար 2008թ.կառուցած հայտնի «Թռչնաբույն» մարզադաշտում: 

Շոուի ընթացքում հիմնական ուշադրությունը տրված էր բարձր նվաճումների հասած  մարզիկներին և նրանց պեկինյան մրցելույթները ցուցադրվում էին էկրաններին:

Պեկինը դարձավ պատմության մեջ առաջին քաղաքը, որը հյուրընկալել է  և՛ ամառային, և՛ ձմեռային խաղերը։ Մարզիկները անկեղծորեն ուրախացել են, պարել հենց մարզադաշտում,  շնորհավորել միմյանց  և  լուսանկարել են:

Մասնակիցները և մրցանակակիրները իրենց գոհունակությունն են հայտնել կամավորականներին՝ միջոցառման հաջողության գործում ունեցած անուրանալի ծառայությունների համար:

Հանդիսավոր արարողության ընթացքում տեղի ունեցավ շնորհանդես: ՄՕԿ –ի դրոշը հանձնվեց  2026թ. Իտալիայում կայանալիք հաջորդ ձմեռային օլիմպիական խաղերի կազմակերպիչներին՝  Միլան և Կորտինա դ'Ամպեցո քաղաքների ղեկավարներին:

Արարողության ավարտին ՄՕԿ-ի նախագահ Թոմաս Բախը Պեկինի օլիմպիական խաղերը հայտարարեց փակված:

Լուսանկարիչ Ասատուր Եսայանցը դրվագներ է ներկայացրել փակման արարողությունից:

Ներկայացնենք վիճակագրական որոշ տվյալներ. Նորվեգիայի հավաքականը նվաճեց 37 մեդալ / 16 ոսկե, 8 արծաթե  13 բրոնզե/, Ռուսաստան ՝  32 / 6, 12, 14 /, Գերմանիա՝  27 մեդալ / 12, 10,  5 /:

Ընդհանուր առմամբ՝ Պեկինի 24-րդ ձմեռային օլիմպիական խաղերում, յոթ մարզաձևերում խաղարկվեց մեդալների հավաքածու:

 Մեդալների են արժանացել 27 երկրների մարզիկներ։