ՔԱՌՕՐՅԱ ՊԱՅՔԱՐՈՒՄ
11:07 - 07 Փետ, 2022
Օլիմպիական հերթափոխի պետական մարզական քոլեջում անցկացվեց Հայաստանի ծանրամարտի առաջնությունը: Քառօրյա լարված պայքարում որոշվեցին մրցանակակիրները: Դիտարժան էր առանձնապես գերծանրքաշայինների մրցակցությունը: Այս պարագայում, ինչպես ասում են, երիտասարդությունը իրենը վերցրեց. գրեթե հինգկական կիլոգրամների տարբերությամբ եռյակը դասավորվեց հետևյալ հաջորդականությամբ. Վարազդատ Լալայան, Գոռ Մինասյան և Սիմոն Մարտիրոսյան:
Երկրի չեմպիոնի պատվին արժանացան նաև 55 կգ՝ Մացիկ Հակոբյանը , 61 կգ՝ Անդրանիկ Պապեյանը, 67 կգ՝ Գոռ Սահակյանը, 73 կգ՝ Արմեն Գրիգորյանը, 81 կգ՝ Ռաֆիկ Հարությունյանը, 89 կգ՝ Հակոբ Մկրտչյանը, 92 կգ՝ Դավիթ Հովհաննիսյանը, 102 կգ՝ Արսեն Մարտիրոսյանը և 109 կգ՝ Սամվել Գասպարյանը:
Այլ նորություններ
