Նոր մրցաշրջանում Հայաստանի ծանրորդների համար առաջին պաշտոնական մրցումը տեղի կունենա Բուլղարիայի մայրաքաղաք Սոֆիայում ՝ ապրիլին: Այդ ստուգատեսը նկատի ունենալով է ուսումնամարզական առաջին հավաքը սկսել  Հայաստանի ծանրամարտի հավաքականը:

Գլխավոր մարզիչ Փաշիկ Ալավերդյանը զրույցի ժամանակ ասաց, որ նախապատրաստական առաջին փուլում  / Աբովյանում / երկու մարզիչների և թիմի բժշկի հետ ընդգկված է 11 մարզիկ:

Առաջին միասնական պարապմուքներին կհաջորդեն նպատակային ևս մի քանի միջոցառումներ, որոնք պետք է նպաստեն մեր ծանրորդների հաջողությանը հին աշխարհամասի ստուգատեսին մասնակցող  ուժեղների պայքարին:

Ոսումնամարզական հավաքին անմիջապես կհաջորդի Երևանում փետրվարի 1 – 6 –ը նախատեսված ՀՀ առաջնությունը:

Հավելենք , որ կանանց թիմը առաջին  հավաքը  կսկսի փետրվարին: