Փարիզում 2024թ. կայանալիք 33 –րդ ամառային օլիմպիական խաղերի կազմկոմիտեն ներկայացրել է ծրագիրը:

Կազմակերպիչները օգտվել են ՄՕԿ -ի  << Օլիմպիական օրակարգ – 2020>>  -ի  դրույթներից:

Ֆրանսիացիները ՄՕԿ –ին առաջարկել են   խաղերի ծրագրում   չորս նոր մարզաձև ընդգրկել.   բրեյքինգ, լեռնամագլցում,   սքեյթբորդ և սյորֆինգ: Այդ մարզաձևերով հրապուրված երիտասարդների թիվը բավականին մեծ է:

Բրեյքինգը (բրեյք - դանս) հաջողությամբ ներկայացվել է Բուենոս Այրեսում 2018թ. անցկացված  պատանեկան օլիմպիական խաղերում,  իսկ Փարիզում մարզաձևը կնշի իր նորամուտը օլիմպիական խաղերում :

ՄՕԿ – ը 2020 թվականի դեկտեմբերին է հաստատել << Փարիզ 2024 >>  –  ի ծրագիրը:

Իսկ ահա կարատեն, բեյսբոլը և սոֆթբոլը , որոնք ընդգկված էին Տոկիոյի մարզահանդեսում, դուրս են մնացել:

Փարիզում կներկայացվի  32 մարզաձև:  200 –ից ավելի  երկրների  տասը հազար մարզիկ- մարզուհիներ կպայքարեն մեդալների 306 հավաքածուի համար:

Ֆրանսիայում  համաշխարհային գլխավոր  մարզահանդեսը տեղի կունենա 2024թ.  հուլիսի 26 –ից օգոստոսի 11 –ը :