ՄԱՐԶՎՈՒՄ ԵՆ, ՆԱԽԱՊԱՏՐԱՍՏՎՈՒՄ
Հայաստանի ծանրամարտի մինչև 23 տարեկան և ազգային հավաքականները ընդգրկված են Աբովյանում սկսված ուսումնամարզական հավաքում:
Գլխավոր մարզիչ, վաստակավոր մարզիչ Փաշիկ Ալավերդյանը թիմերին նախապատրաստում է առաջիկա խոշոր ստուգատեսներին: Ազգայինը հոկտեմբերին կմասնակցի աշխարհի առաջնությանը / մրցավայրը դեռևս հաստատված չէ /:Իսկ մինչև 23 տարեկանները, մարզիչ Մելիք Ղուկասյանի ղեկավարությամբ Ծաղկաձորում պարապող մինչև 20 տարեկանների թիմի հետ կմասնակցեն սեպտեմբերին Ֆինլանդիայում զուգահեռաբար անցկացվող Եվրոպայի միջին և ավագ տարիքի երիտասարդական առաջնություններին :
Պարապուրդի չեն մատնվում նաև պատանիները: Նրանք մարզվում , նախապատրաստվում են օլիմպավանում և մարզիչ Երվանդ Կիրակոսյանի գլխավորությամբ հանդես կգան Լեհաստանում, օգոստոսի 28 –ից անցկացվելիք Եվրոպայի պատանեկան առաջնությանը:
