Միջազգային օլիմպիական կոմիտեն  / ՄՕԿ / հայտնել է, որ << Պեկին – 2022 >>  խաղերի պատվիրակության ղեկավարների  սեմինար- խորհրդակցությունը կանցկացվի փետրվարի 1- 2-ին` առցանց ձևաչափով։

Որոշումը պայմանավորված է աշխարհում համավարակի տարածման , դրա հետևանքով  ճանապարհորդության սահմանափակումների պատճառով։

Սա ՄՕԿ-ի  համար ազդակ կարող է հանդիսանալ, որը դեռ ծրագրում է  կազմակերպության վեհաժողովն անցկացնել Աթենքում մարտի սկզբին։ Այնտեղ նախատեսված են նաև ՄՕԿ –ի ղեկավար կազմի ընտրություններ։

Սովորաբար պատվիրակության ղեկավարների սեմինարների ընթացքում նաև օլիմպիական մարզահամալիրների ստուգայց է կատարվում։

Համավարակի  պատճառով օգոստոսին առցանց անցկացվեց նաև Տոկիոյի օլիմպիական խաղերի պատվիրակության ղեկավարների վերջին սեմինարը:

ՄՕԿ-ն  այն կազմակերպությունների շարքում է, որոնք ստիպված են հեռավար ձևաչափով կազմակերպել  միջոցառումները։