ՄԱՐԶԱՁԵՎԵՐԻ ՆՈՐ ՀԱՄԱԼՐՈՒՄ
Եվրոպայի օլիմպիական կոմիտեն / ԵՕԿ / հայտարարել է Լեհաստանում 2023թ․ կայանալիք Եվրոպական երրորդ խաղերի ծրագրում երեք մարզաձևեր ընդգրկելու մասին։
Հնգամարտից բացի, կանցկացվեն նաև թաեքվոնդոյի և թիավարության սլալոմի մրցումներ:
Այդ մարզաձևերը ընդգրկվելու են նաև Փարիզի 2024թ․ օլիմպիական խաղերի ծրագրում։
ԵՕԿ - ը նշում է, որ շարունակվում են խորհրդակցությունները եվրոպական մարզական ֆեդերացիաների հետ։
Բացի վերը նշած մարզաձևերից խաղերի ծրագրում ներառված են նետաձգություն, սինխրոն լող, բադմինթոն, 3x3 բասկետբոլ, լողափային հանդբոլ, բրեյք - դանս, բայդարկա և կանոե թիավարություն, հեծանվասպորտ, սուսերամարտ, մարմնամարզություն, ձյուդո, կարատե, լեռնային վազք, ռեգբի 7, հրաձգություն, ժայռամագլցում, սեղանի թենիս, տրիաթլոն, վոլեյբոլ / դասական և լողափային /, ըմբշամարտ և ծանրամարտ:
