ՖԻՖԱ-ն թարմացրել է ազգային հավաքականների   վարկանիշային աղյուսակը։ ՈՒԵՖԱ Ազգերի լիգայի շրջանակում Վրաստանի և Հյուսիսային Մակեդոնիայի հավաքականների նկատմամբ  տարած հաղթանակներից հետո Հայաստանի ընտրանին  առաջադիմել է երկու աստիճանով  և  զբաղեցնում է 99-րդ հորիզոնականը։

Աղյուսակը շարունակում է գլխավորել Բելգիայի հավաքականը։ Նրան առաջին հնգյակում  հաջորդում են Ֆրանսիայի, Բրազիլիայի, Անգլիայի և Պորտուգալիայի թիմերը։

Ֆուտբոլի միջազգային ֆեդերացիան  ներկայացրել է նաև Քաթարում 2022թ․  անցկացվելիք աշխարհի առաջնության որակավորման փուլի զամբյուղները։

Հայաստանի հավաքականը  եվրոպական գոտու 5-րդ զամբյուղում է, որտեղ ընդգրկված են նաև Կիպրոսի, Ֆարերյան կղզիների, Ադրբեջանի, Էստոնիայի, Կոսովոյի, Ղազախստանի, Լիտվայի, Լատվիայի, Անդորրայի թիմերը։

Վիճակահանությունը կկայանա դեկտեմբերի 7-ին: 

Հայաստանի ֆուտբոլի բարձրագույն խմբի  առաջնությունում անցկացվել են  13-րդ տուրի խաղերը․ << Արարատ >> -  << Նոա >>՝ 1 ։ 1, << Լոռի >> - << Արարատ – Արմենիա >>` 0: 1:

14-րդ տուրի հանդիպումները  կմեկնարկեն  նոյեմբերի 30-ին։