Հայաստանի ազգային օլիմպիական կոմիտեի պաշտոնական կայքը (armnoc.am) սկսում է հարցազրույցների մեծ շարք` հայազգի ճանաչված մարզիկների հետ: Շարքը սկսում ենք անկախ Հայաստանի առաջին Օլիմպիական չեմպիոն, հունահռոմեական ոճի ըմբիշ Արմեն Նազարյանի հետ հարցազրույցով: Մարզաձևի նվիրյալն աշխարհի բազմակի չեմպիոն դարձավ Բուլղարիան ներկայացնելուց հետո, սակայն ինչպես հայրենիքի հետ, այնպես էլ ըմբշամարտի հայկական դպրոցի ներկայացուցիչների հետ կապը շարունակեց պահել ամուր: Ինչպես Նազարյանն իր խոսքում ասաց, «թեպետ ապրում ենք Հայաստանից հեռու, բայց հայրենիքը պահում ենք մեր մեջ»:

-Պարոն Նազարյան, կխնդրեմ հիշել Ձեզ` Օլիմպիական խաղերի ոսկուց հետո:

-Օլիմպիական խաղերի ոսկե մեդալ նվաճելուց հետո հուզմունքով կանգնեցի առաջին աստիճանին, լսեցի հայկական օրհներգը: Ինքս ինձ ասացի. «ինչպես կարելի է աշխարհի առաջնությունում 7 ամիս առաջ պարտվել մի մարզիկի, ում հաղթեցի Օլիմպիական խաղերի ժամանակ»: Oլիմպիական ոսկե մեդալը նվաճելուց հետո, լաց եմ եղել աշխարհի առաջնության արծաթե մեդալիս վրա:

-Ի՞նչ է Ձեզ համար երջանկությունը:

-Ինձ համար երջանկություն է տեսնել խաղաղ երկիր, երջանկություն է ժողովրդի ժպիտը: Քանի որ մեր օրերում դժվար է տեսնել երջանիկ մարդկանց:

-Ո՞վ է Ձեր սիրած մարզիկը:

-Ալեքսանդր Կարելինը:  

Լուսանկարներն՝ այստեղ:

ՀԱՕԿ լրատվության բաժին