<< Տոկիո - 2020 >> կազմկոմիտեն ներկայացրել է << Արիակե >> անվանումով վոլեյբոլի ծածկած մարզահամալիրը։ Այն շահագործման է հանձնվել 2019 -ի դեկտեմբերին և նախատեսված է 15 հազար երկրպագուի համար։ Հունվարին  հաջողությամբ անցկացվել են առաջին փորձամրցումները։ Ենթադրվում է,որ վոլեյբոլը խաղերում կլինի ամենադիտարժան մարզաձևերից մեկը։

Տղամարդկանց և կանանց մրցաշարերում կխաղան 12 -ական թիմեր։ 

Մարզաձևը օլիմպիական ծրագրում առաջին անգամ ընդգրկվել է 1964թ․ Տոկիոյի ամառային խաղերում։  Այն ժամանակ տանտերերի վոլեյբոլի տղամարդկանց հավաքականը նվաճել է բրոնզե, իսկ կանանցը ՝ ոսկե մեդալ։

Նախորդ ՝ 2016թ․ խաղերի չեմպիոններն են Բրազիլիայի տղամարդկանց և Չինաստանի կանանց  վոլեյբոլի ընտրանիները։

Խաղերի ավարտից հետո քաղաքի իշխանությունները վոլեյբոլի համալիրը կդարձնեն զվարճանքի, սպորտի և մշակույթի կենտրոն։

Տոկիոյի խաղերում կգործի մարզական 43 կառույց / 8 -ը մշտական , 25 -ը ՝ գործող և 10 -ը ՝ ժամանակավոր /։