Սեղանի թենիսիստները հանդես են եկել կրտսեր պատանիների Եվրոպայի առաջնությունում
Օգոստոսի վերջին Ֆրանսիայի Ստրասբուրգ քաղաքում անցկացվել է սեղանի թենիսի կրտսեր պատանիների (Մ 12) Եվրոպայի առաջնությունը: Մրցաշարին Հայաստանը ներկայացրել են Նարեկ Ստեփանյանը եւ Ռուբեն Գալոյանը:
Պատանի թենիսիստները չեն կարողացել հաղթահարել խմբային արգելքը եւ անցնել փլեյ-օֆֆ:
ՀԱՕԿ լրատվականի հետ զրույցում Հայաստանի սեղանի թենիսի ֆեդերացիայի նախագահ Ֆելիքս Սարգսյանը հայտնեց, որ ֆեդերացիան այս տարի նախատեսում է մինչեւ 14 տարեկան մի քանի տղա եւ աղջիկ ուղարկել Սանկտ Պետերբուրգ՝ մասնակցելու ավանդական միջազգային մրցաշարին:
«Արդեն երկու տարի է հանդես ենք գալիս այդ մրցաշարում: Այս տարի ամեն ինչ ֆինանսից է կախված: Իսկ սեպտեմբերին կամ հոկտեմբերին (հստակ ժամկետները դեռ հատնի չեն) Երեւանում կանցկացնենք մեծահասակների Հայաստանի թիմային առաջնություն»,- ասաց Ֆելիքս Սարգսյանը:
