ԵԱ. Հայաստանի հավաքականը զիջեց հիմնական մրցակից Կիպրոսին
19:42 - 04 Հուլ, 2017
Մալթայում մեկնարկել է բասկետբոլի Մ 18 տարեկան կանանց Եվրոպայի C դիվիզիոնի առաջնությունը։
Մեկնարկային խաղում մեր թիմը համառ պայքարում 35-54 հաշվով զիջեց հիմնական մրցակցին՝ Կիպրոսի հավաքականին։
Գործնականում Հայաստանը խաղաց առանց փոխարինումների, քանի որ հայտացուցակում կար միայն յոթ բասկետբոլիստ։ Հիմնական կազմի խաղացողներ Վիկտորիա Տոնոյանը, Սոֆիա Դեմիրճյանը, Քրիստինա Մելիքյանն ու Նատալի Նաջարին չեն կարողացել միանալ թիմին։ Իտալիայի դեսպանատունը մեր մարզիկներին չի տրամադրել շենգենյան վիզա, որի պատճառով աղջիկները չեն մեկնել մրցավայր։
Հաջորդ խաղը մեր ընտրանին կանցկացնի Մալթայի հետ։
Այլ նորություններ
