Հունգարիայի մայրաքաղաք Բուդապեշտում ավարտվեց շախմատի համաշխարհային  45 –րդ օլիմպիադան։

Չեմպիոնի կոչումը  առաջին անգամ նվաճեց / 21 միավոր /  Հնդկաստանի տղամարդկանց թիմը:

Հինգ երկրների հավաքականներ, նարնց թվում նաև մեր երկրի ընտրանին,  վաստակեցին 17 –ական միավոր: Լրացուցիչ ցուցանիշներով, մրցաշարային աղյուսակում  տեղերը բաշխվեցին հետևյալ հաջորդականությամբ.

Կանանց պայքարում կրկին ոսկե դափնեկիր դարձան Հնդկաստանի պատվիրակները: Մեր շախմատիստուհիները, տղամարդկանց օրինակով,   նույնպես 17 միավոր վաստակեցին: Ներկայացնենք մրցաշարային աղյուսակը.

Ինչպես արդեն հայտնել ենք, Հայաստանի տղամարդկանց հավաքականը գերազանցել է բոլորին՝ համաշխարհային օլիմպիադաներում  հաղթելով երեք անգամ և ՖԻԴԵ – ի կողմից արժանիորեն ստացել է առաջինի համար սահմանված մրցանակը:

Որպես հայաստանցի գրոսմայստեր  և շախմատի կրթական լավագույն կազմակերպիչ մրցանակ է ստացել նաև երևանցի Սմբատ Լպուտյանը:  Նրա գլխավորությամբ շախմատը ներմուծվել է հանրակրթական դպրոցներ: Նա երկար տարիներ ղեկավարում է  ՖԻԴԵ-ի կրթական հանձնաժողովը՝ խթանելով շախմատի տարածմանը ամբողջ աշխարհում։

Տիգրան Պետրոսյանի անվան շախմատի տուն-մարզադպրոցի փոխտնօրեն, միջազգային մրցավար Աշոտ Վարդապետյանը  մարզաձևում ունեցած վաստակի համար, աշխարհի նախկին չեմպիոն Վիշվանաթան Անանդից ստացել է 100 –ամյա ՖԻԴԵ-ի հատուկ  մրցանակ:

Նշենք, որ պարգևատրությունը կատարվել է  շախմատի միջազգային ֆեդերացիայի հիմնադրման 100-ամյակի կապակցությամբ:  

Համաշխարհային հաջորդ օլիմպիադան նախատեսված է երկու տարի հետո անցկացնել Ուզբեկստանում: